ANKANDI I PARË SOLAR NË KOSOVË

Kosova së fundi mbajti një ankand të suksesshëm konkurrues për një projekt 100 MW FV solar.

Në vitin 2024, Kosova përfundoi ankandin e saj të parë solar me ofertuesin fitues, Konsorciumin Orllati, për një park solar 100 MW në Kramovik.

Ky ankand solar historik ofroi kushte transparente dhe të barabarta për ofertuesit e kualifikuar dhe është dëshmi e interesit në rritje të investitorëve në potencialin e lartë të energjisë së ripërtëritshme në Kosovë.

Suksesi i ankandit të parë të energjisë solare në Kosovë është një shembull i shkëlqyer i sektorit privat që identifikon mundësitë e tregut të energjisë së pastër dhe ka zgjedhur të kontribuojë për një të ardhme energjetike më të qëndrueshme.

Ky ankand i suksesshëm do të jetë i pari prej shumë ankandeve pasi Kosova ofron një mjedis pro investimeve dhe rregullativ të favorshëm për zgjerimin e energjisë së ripërtëritshme.

Ejani bashkohuni me ne në rrugëtimin tonë drejt energjisë së ripërtëritshme.

Play Video

ANKANDET SOLARE

Duke zgjedhur të mbajë ankande në mënyrë strategjike, Qeveria e Kosovës po synon përcaktimin konkurrues të çmimeve të energjisë së ripërtëritshme, kosto më të ulëta, zgjerimin e qasjes në energji të përballueshme dhetë  qëndrueshme si dhe rritjen e transparencës në prokurimin e energjisë. Ankandi ofron një proces konkurrues për politikëbërësit për të siguruar energjinë elektrike të prodhuar nga energjia e ripërtëritshme.

I realizuar përmes një procesi të hapur dhe transparent, ankandi solar  në Kosovë do t’u ofrojë investitorëve një varg avantazhesh kritike, duke përfshirë sigurimin e çmimit të garantuar, procedurat të thjeshtësuara administrative me agjencitë qeveritare dhe pa kosto për blerjen e tokës.